Baş məşqçilərin dünya reytinqi açıqlanıb.
Sportinfo.az xəbər verir ki, planetin ən güclü 1000 çalışdırıcısının siyahısında Azərbaycan Premyer Liqası iki mütəxəssislə təmsil olunub.
“Top-1000”də yeganə azərbaycanlı məşqçi “Qarabağ”ın çalışdırıcısı Qurban Qurbanovdur. O, 1054 xalla dünyanın 574-cüsüdür. 47 yaşlı mütəxəssis ötən siyahı ilə müqayisədə bir addım irəliləyib.
“Neftçi”nin italiyalı məşqçisi Roberto Bordin isə yerində sayıb. Hesabında 818 xal olan appenninli yenə 678-ci yerdədir. Cədvələ “Barselona”nın baş məşqçisi Ernesto Valverde başçılıq edir. Onun hesabında 15 min 917 xal var.