.jpg)
Dövlət tərəfindən Premyer Liqa klublarına ayrılan dotasiyanın dekabr ayı üzrə köçürmələri gecikib.
Bu haqda Sportinfo.az-a elita iştirakçılarının funksionerləri məlumat verib.
Onların sözlərinə görə, yubanma AFFA-dan qaynaqlanır.
Adətən, federasiya hər ayın 15-20-si aralığında yardım paketini klubların xüsusi bank hesablarına «transfer» etsə də, avqust-sentyabr aylarındakı kimi köçürmələr arasında «uzun quyruq» əmələ gəlib.
Redaksiyamıza bu barədə məlumat verən idarəçilərin bildirdiyinə görə, AFFA ödəmələrin vaxtında həyata keçirilməməsini müxtəlif amillərlə əlaqələndirib və onlara söz verib ki, problem bu həftə ərzində həllini tapacaq.
