Azərbaycan çempionatları tarixində 38-ci poker qeydə alınıb.
Sportinfo.az xəbər verir ki, bu, Premyer Liqanın 7-ci turuna təsadüf edib.
"Qarabağ"ın hücumçusu Musa Qurbanlı “Zirə” ilə səfər qarşılaşmasında (1:7) meydan sahiblərinin qapısına 4 qol vurub.
Bu təkcə 2022/23 mövsümünün deyil, son 8 mövsümün ilk pokeridir. Bir oyunda 4 qol vuran sonuncu futbolçu Freddi Mombonqo olub.
AZAL-ın futbolçusu 2014/15 mövsümündə fərqlənib. O, 2676 gün öncə - 2015-ci il mayın 22-də “Simurq”la qarşılaşmada (5:0) 4 qol vurub.