Yeni mövsümə hazırlıqları davam etdirən "Kəpəz"in maraq dairəsində olan növbəti futbolçunun kimliyi məlum olub.
Bu, "Səbail"dən tanıdığımız iranlı legioner Peyman Keşavarzdı.
Bu barədə saytımıza açıqlamasında baş məşqçi Yaşar Vahabzadə məlumat verib.
Təcrübəli məşqçi uzun müddətdir klubsuz qalan oyunçu ilə danışıq apardıqlarını və razılıq olarsa, adıçəkilən futbolçunun komandaya qoşulacağını bildirib.
26 yaşlı mərkəz müdafiəçisi 2019/20 mövsümünü Bayıl təmsilçisində keçirib. O, meydana çıxdığı 20 matçda 2 qol və 1 asistlə yadda qalıb.
"Səbail"dən ayrılandan sonra qısa müddət "Traktor"da çıxış edən oyunçu 8 aydı klubsuzdur.
XANOĞLAN / SPORTİNFO.AZ