.jpg)
Həftəsonu Azərbaycan Premyer Liqasının 7-ci turunun görüşləri keçiriləcək.
Oyunların hər birinin komandaların turnir cədvəlindəki mövqe baxımından özünəməxsus prinsipiallığı var.
“Sabah” “Qarabağ”la oyuna ciddi itki ilə çıxacaq.
Masazır təmsilçinin aparıcı müdafiəçilərindən sayılan Amin Seydiyev ağdamlılara qarşı forma geyinə bilməyəcək. Səbəb “Qəbələ”nin yetirməsinin sarı vərəqə limitini doldurmasıdır.
“Sabah” – “Qarabağ” görüşü oktyabrın 17-si “Bank Respublika Arena”da keçiriləcək. Oyun saat 18.45-də başlayacaq.
Gərgin həftəsonunda bir neçə futbolçu xüsusən diqqətli olmalıdır. Belə ki, “Qəbələ”dən Məqsəd İsayevlə Stefan Vukçeviç, “Neftçi”dən Mamadu Kane, “Keşlə”dən Felipe Santos, “Sumqayıt”dan Höccət Haqverdi, “Qarabağ”dan Filip Ozobiç, “Səbail”dən Yurgen Qoxa cəza səddindədir.
Yəni bu futbolçulardan kim(lər)sə növbəti sarı vərəqəni alsa, 8-ci turda oynaya bilməyəcək.
Odur ki, baş məşqçilərindən diqqətli olmaqla bağlı xüsusi tapşırıq alacaqları sirr deyil.
SPORTİNFO.AZ
