.jpg)
SOCAR-ın vitse-prezidenti Mikayıl İsmayılov kuratoru olduğu "Neftçi”nin prezidenti Kamran Quliyevlə bağlı ona edilən şikayətin araşdırılmasını tapşırıb.
Bu barədə müraciət klubdan daxil olub.
Şikayətin məğzi isə futboldankənar məsələ ilə bağlıdır. Belə ki, paytaxt təmsilçisinin əməkdaşlarından biri Quliyevin klubun yeni sponsorlarından biri olan şirkətə yaxın qohumu üçün pulsuz kostyum sifariş etməsidir.
Söhbət “Neftçi” ilə tərəfdaşlıq edən Türkiyənin geyim brendindən gedir.
İddiaya görə, Quliyev onlarla əməkdaşlıqdan öz şəxsi məqsədləri üçün yararlanaraq, kluba aidiyyatı olmayan qohumuna paltar tikilməsini istəyib.
Şikayətçi bunun yolverilməz olduğunu və “Neftçi”ni yeni partnyor qarşısında gözdən sala biləcəyini qeyd edib.
SPORTİNFO.AZ
