.jpg)
«Neftçi»nin formasını geyinən legionerləri artıq yeni mərhələ gözləyir.
Sportinfo.az-ın məlumatına görə, Samir Abasov komandanın əcnəbi futbolçularına sərt xəbərdarlıq edib.
Yeni baş məşqçi onlardan tələblərinin yüksək olduğunu bildirib. Füzuli Məmmədovun yerinə gətirilən sabiq «Zirə»li qəti şəkildə deyib ki, bundan sonra ümumi mənzərə dəyişəcək:
«Mənə kimi sizinlə necə danışıblar, nə vəd ediblər, qaldı keçmişdə. İndi burada mənəm və mənim dediyim də olmalıdır. Hər tapşırığımı yerinə yetirməlisiz və komandanı arxanızca aparmalısıız.
Hansı futbolçunun nə sözü varsa, gəlsin, mənə söyləsin. Komandaya aid məsələlərə görə rəhbərliyin yanına getməyin. Bunu yığışdırın.
Mən müqavilə və maliyyə ilə bağlı işlərə qarışmıram. Ancaq kim ümidlərimi doğrultmasa, onun üstündən xətt çəkəcəm».
