“Neftçi”də hamı karantinə alındı

10 İyul 2020 20:00 Neftçi 1 254
“Neftçi”də hamı karantinə alındı

“Neftçi”nin futbolçuları karantinə alınıb.

Sportinfo.az xəbər verir ki, bu barədə oxu.az-a klubun Media, Marketinq və İctimaiyyətlə Əlaqələr Departamentinin rəisi Rüstəm Allahverdiyev məlumat verib.

O bildirib ki, komanda Qəbələdəki təlim-məşq toplanışınadək koronavirusa yoluxmasın deyə, müvəqqəti karantinə alınıb: “Dünən kim Qəbələdəki hazırlığa gedəcəkdisə, onlar da test verib və karantinə alınıblar.

Bunu onun üçün etmişik ki, heç yerə çıxmasınlar və onlarda koronavirusa yoluxma təhlükəsi olmasın. Bu gün testin cavabları bilinməlidir.

Testin cavabları bilindikdən və heyətdə heç kimdə problem olmadıqdan sonra komanda sabah Qəbələyə təlim-məşq toplanışı keçməyə gedəcək. Hazırlıq iyulun sonunadək nəzərdə tutulub”.

“Neftçi” ölkəmizi avqustda Avropa Liqasının I təsnifat mərhələsində təmsil edəcək. Komandanın rəqibi avqustun 10-da atılacaq püşkatmaya əsasən bilinəcək.

Digər Xəbərlər
Xəbər Lenti