"Bu məsələ ilə bağlı şərtimiz olmayıb, əsasnamə nə deyirsə, İcraiyyə Komitəsi nə qərar verəcəksə, o da olacaq".
Sportinfo.az xəbər verir ki, bu sözlər "Neftçi"nin mətbuat katibi Rüstəm Allahverdiyevə məxsusdur.
Klub sözçüsü deyib ki, mövsüm vaxtından əvvəl yekunlaşacağı təqdirdə "Qarabağ"ın çempion elan edilməməsi ilə bağlı şərt irəli sürməyiblər: "Çempion elan edilsələr, olacaq.
Çempionlar Liqasında çıxış edəcəklər və biz də rəqibimizi təbrik edib, uğurlar arzulayacağıq. "Qarabağ"ın çempion elan edilməsinə etiraz etsək, nəsə dəyişəcək? Xeyr.
Çünki qərarı verən qurum var, onlar nə qərar qəbul edəcəksə, razılaşacağıq. Rəsmi şəkildə elan edirik ki, bununla bağlı şərt irəli sürməmişik. Hazırda iyunun 21-dəki oyunumuza hazırlaşırıq".