"Neftçi"nin qapıçısı Aqil Məmmədov Sportinfo.az-a müsahibə verib.
- Koronavirusa görə yaranan fasilə müddətində vaxtını daha çox nəyə sərf edirsən? -
- Daha çox evdə olmağa çalışıram. Fərdi məşqlər edirəm. Qapalı yerlərdən uzaq oluram. Ailəyə daha çox vaxt ayırıram.
- Fərdi məşqlərlə formada qalmaq mümkün olacaq?
- Təbii ki, fərdi məşqlər komanda ilə olan məşqləri əvəz edə bilməz. Bu vəziyyətdə əlimizdən başqa heç nə gəlmir.
- Virusla mübarizədə hansısa tədbirlər görürsənmi?
- Hamı necə, biz də elə qorunuruq.
- Məsələn, bəzi insanlar hələ də qeyri-ciddi yanaşır və qadağalara əməl etmir ...
- Bu virusa çox ciddi yanaşmaq lazımdır.
- Fasilə müddətində futbolçuların maaşı dondurulsa və ya müəyyən faizi azaldısa, bu, nə dərəcədə doğru qərar olar?
- Bu haqda fikir bildirmək istəmirəm.
- Çempionat bərpa olunsa, yəqin ki, oyunlar 3-4 gündən bir keçiriləcək. Səncə, klublarımız buna nə dərəcədə hazırdı?
- Hazırda heç kim məşq etmir. Sabah nə olacağını da bilmirik. Oturub veriləcək qərarları gözləyirik.