"Neftçi"dən ayrılan Kirilo Petrovun yeni klubu müəyyənləşib.
Sportinfo.az yerli mətbuata istinadən xəbər verir ki, ukraynalı müdafiəçi karyerasını ölkəsində davam etdirəcək. 29 yaşlı futbolçu Premyer Liqada mübarizə aparan "Kolos"a keçib. Hələlik müqavilə detalları barədə məlumat verilmir.
Kovalyovka təmsilçisi 22 turdan sonra Ukrayna çempionatında 7-ci sırada qərarlaşıb.
Artıq "Neftçi" də məlumatı təsdiqləyib. Klubun yaydığı açıqlamada bildirilir: "Neftçi" PFK müdafiəçi Kirilo Petrovla müqaviləyə qarşılıqlı razılaşma əsasında xitam verib. Ukraynalı futbolçuya gələcək karyerasında uğurlar arzulayırıq!".
Qeyd edək ki, Petrov bu mövsüm "Neftçi"nin heyətində 17 oyunda meydana çıxıb.