.jpg)
Dünən “Neftçi” Saman Nariman Cahanla müqavilə imzaladığını ictimaiyyətə bəyan edib.
Açıqlamada “Neftçi”nin 28 yaşlı yarımmüdafiəçi üçün “Maşınsazi”yə nə qədər ödədiyi qeyd edilməyib. Nüfuzlu tranfermarket.us hazırda iranlı oyunçunun dəyərini 342 min dollar olaraq göstərib.
Saytda futbolçunun “Neftçi”yə məxsus olduğu və onunla 2021-ci ilə qədər müqavilə imzalanması qeyd edilib. Saman Nariman karyerası ərzində “Naft Tehran”, “Gostareş Fuad”, “Traktor”, “Persepolis” və “Peykan”da çıxış edib.
Sportinfo.az-ın məlumatına görə, Təbriz klubunun keçmiş kapitanı Azərbaycanda yüksək maaş alacaq. Samanın aylığı “Neftçi“yə 10 min dollara başa gəlib.
