"Neftçi" dünən Rauf Əliyevlə yollarını ayırdığını rəsmən açıqladı.
31 yaşlı hücumçunun müqaviləsi ləğv edildi. Onun "ağ-qaralar"la mövsümün sonuna qədər sözləşməsi var idi.
Əliyev ötən ilin iyununda "Qəbələ"dən "Neftçi"yə keçmişdi. O, bu mövsüm bakılıların heyətində 15 oyunda meydana çıxıb, 2 qol vurub.
Ayrılıq qərarı klub rəhbərliyinə məxsusdur. Rauf kontraktının pozulmasına razı deyildi.
Sportinfo.az-ın məlumatına görə, bakılılar onu 20 min manat qarşılığında yola gətirib. Belə ki, millinin keçmiş forvardına 2 ayın maaşı bəribaşdan ödənilib.