.jpg)
Ötən ilin əvvəlində "Neftçi"yə gətirilib yayda komandadan kənarlaşdırılan Petru Rakunun "Petrolul" karyerası da uzun sürməyib.
Sportinfo.az xəbər verir ki, 33 yaşlı futbolçu 6 ay keçməmiş Ploieşti klubundan da uzaqlaşdırılıb.
Rumıniya klubu ilə yayda müqavilə bağlayan moldovalı müdafiəçi yeni klubunda "təmizləmə əməliyyatı"nın qurbanı olub. Rəhbərlik 10-a yaxın futbolçu ilə yolları ayırıb ki, gedənlərdən biri də Rakudur.
Mövsümün əvvəlindən zədəsini sağaltmaqla məşğul olan Raku "Petrolul"da cəmi 4 oyun keçirdi. O, "Neftçi"nin heyətində də yalnız 3 dəfə meydana çıxıb. 2010-cu ildən dəvət aldığı Moldova millisində 48 görüşdə forma geyinib.
