"Neftçi" keçmiş "bankirlər"ə anlatdı ki… FOTOREPORTAJ

20 Sentyabr 09:00 Neftçi 395
"Neftçi" keçmiş "bankirlər"ə anlatdı ki… FOTOREPORTAJ

Azərbaycan Premyer Liqasında IV turun daha bir görüşü keçirilib.

Sportinfo.az xəbər verir ki, ikinci oyun günündə son çempion "Neftçi" autsayder "Keşlə"ni qəbul edib.

"Bakcell Arena"da baş tutan qarşılaşma meydan sahiblərinin 3:0 hesablı qələbəsi ilə başa çatıb.

Matçda ilk qol 36-cı dəqiqədə vurulub. Yusuf Lavalın sağ cinahdan ideal ötürməsini qəbul edən Sezar Meza Kolli sabiq komandasını cəzalandırıb.

Birinci hissə "ağ-qaralar"ın minimal hesablı üstünlüyü ilə başa çatıb. İkinci yarıya da fəal başlayan flaqman 50-ci dəqiqədə fərqi 2 topa çatdırıb.

Bu dəfə "ağ-qaralar"ın yeni transferi Ramon Maçado fərqlənib. Fasilədən sonra Meza Kollinin yerinə meydana daxil olan braziliyalı hücumçu yaxşı təşkil olunmuş hücumu dəqiq zərbə ilə tamamlayıb.

Bu, 30 yaşlı forvardın paytaxt təmsilçisində ilk qolu olub. Oyunda son nöqtəni isə 68-ci dəqiqədə İsmayıl Zülfüqarlı qoyub.

Bu qələbədən sonra xallarını 7-yə çatdıran "Neftçi" 3-cü pilləyə yüksəlib. Xalı olmayan "Keşlə" isə sonuncudur.

Digər Xəbərlər
Xəbər Lenti
17 Oktyabr 16:20 Pullu kişinin ac balası
17 Oktyabr 09:00 "Qarabağ"ın QİYMƏTLƏRİ
17 Oktyabr 00:28 "Beşiktaş" uduzdu - VİDEO