"Bu dəfə sizləri sevindirə bilmədiyimizə görə çox üzgünük".
Sportinfo.az xəbər verir ki, bunu "Neftçi"nin kapitanı Emin Mahmudov özünün feysbuk səhifəsində İsraildə Hayfa "Makkabi"sinə 0:4 hesabı ilə uduzduqları Konfrans Liqasının pley-off mərhələsinin cavab oyunu barədə fikirlərini bölüşərkən yazıb.
"Makkabi"yə uduzan "Neftçi" avrokuboklarda mübarizəni dayandırıb. 29 yaşlı yarımmüdafiəçi artıq ölkə çempionatına köklənməli olduqlarını vurğulayıb:
"Yenidən daha güclü, daha uğurlu olmaq üçün sizlərin dəstəyinə ehtiyacımız var. Birlikdə bacaracağıq"!