“Neftçi” dünən avrokuboklarda çıxışını dayandırdı. “
Ağ-qaralar” İsraildə “Makkabi”yə məğlub olaraq, Konfrans Liqasının qrup mərhələsinə vəsiqə qazanmaq şansını boşa verdi.
Paytaxt təmsilçisi bununla yalnız azarkeşlərini məyus etmədi, eyni zamanda, UEFA-dan və sponsorlardan gələcək puldan məhrum oldu.
Dünən axşam saatlartında xəbər vermişdik ki, SOCAR “Neftçi”yə ayrılan büdcəni yeniləyib. Neft şirkəti paytaxt klubunun xəzinəsini daha 1 milyon manat zənginləşdirib.
Bu vəsait sırf yeni transferlərin həyata keçirilməsi üçün nəzərdə tutulub.
“Ağ-qaralar” bu yay 5 yeni futbolçunu sıralarına qatıb: Sezar Meza Kolli ("Keşlə"), Harramiz ("Eştoril", Portuqaliya), Xəyal Nəcəfov ("Sumqayıt"), Romen Bask ("Havr", Fransa), Huqo Basto ("Eştoril", Portuqaliya).
Işdir, “Neftçi” dünən Hayfa təmsilçisinə üstün gəlsəydi, SOCAR “ağ-qaralar”a daha 2 milyon manat ayıracaqdı.
Hər halda “Makkabi” ilə matçdan öncə klub rəsmilərinə bu barədə “yuxarı”dan məlumat verilib.
SPORTİNFO.AZ