"Neftçi"nin qvineyalı yarımmüdafiəçisi Mamadu Kanenin Yunanıstan "Olimpiakos"una mümkün keçidi ilə əlaqədar danışıqlar davam edir.
Sportinfo.az xəbər verir ki, bu barədə "ağ-qaralar"ın baş məşqçisi Samir Abasov açıqlama verib.
43 yaşlı mütəxəssis bildirib ki, məsələyə yaxın günlərdə aydınlıq gələcək.
Onun fikrincə, Kanenin "Olimpiakos"a transferi alınarsa, bunun qarşısını kəsmək insafsızlıq olar:
"Hamı belə komandalarda oynamağa can atır. Danışıqlarımız davam edir. Yaxın günlərdə məsələyə aydınlıq gələcək".