"Neftçi"nin yarımmüdafiəçisi Emin Mahmudov Bakıda "Olimpiakos"a 0:1 hesabı ilə uduzduqları Çempionlar Liqasının II təsnifat mərhələsinin cavab oyunundan sonra sosial şəbəkədə paylaşım edib.
Sportinfo.az xəbər verir ki, komandanın kapitanı "ağ-qaralar"ın azarkeşlərininə müraciət ünvanlayıb.
"Dəstəyinizə göre təşəkkür edirem. Əfsuslar olsun ki, sizi sevindirə bilmədik", - deyə yarımmüdafiəçi "feysbuk" səhifəsində yazıb.
"Neftçi" Afinadakı ilk matçda da rəqibinə 0:1 hesabı ilə uduzub.
Ölkə çempionu Avropa Liqasının III təsnifat mərhələsində Finlandiyanın HİK klubu ilə üz-üzə gələcək. Bakıdakı qarşılaşma avqustun 3-də olacaq, cavab görüşü isə avqustun 12-də keçiriləcək.