Bu gün Türkiyə millisinin Avropa çempionatı üçün geniş heyəti müəyyənləşib.
Baş məşqçi Şenol Güneş 30 oyunçuya dəvət göndərib.
Təlim-məşq toplanışı mayın 18-də start götürəcək. Baş məşqçi iyunun 1-dək 26 futbolçudan ibarət yekun heyəti açıqlamalıdır.
Komanda mayın 27-də Alanya şəhərində Azərbaycan seçməsi yoldaşlıq görüşündə üz-üzə gələcək.
"Ay-ulduzlular"ın iyunun 3-dəki rəqibi Moldova olacaq. Mayın 31-də Şimali İrlandiya ilə matç ləğv edilib.
Qardaş ölkə təmsilçisi Bakıda qalacağı müddətdə "Neftçi"nin Bakıxanov qəsəbəsində yerləşən bazasında hazırlıq keçəcək. Bu müddətdə kompleksə heç kim buraxılmayacaq, mühafizə gücləndiriləcək.
AVRO-2020 bu il iyunun 11-dən iyulun 11-dək keçirilməlidir. Təqvimə əsasən, Bakı Olimpiya Stadionu A qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək.
SPORTİNFO.AZ