.jpg)
Azərbaycan Premyer Liqasında XVIII tura yekun vurulub.
Sportinfo.az xəbər verir ki, turun son matçında lider "Neftçi" autsayder "Sabah"la üz-üzə gəlib.
"Bakcell Arena"dakı matç "ağ-qaralar"ın 2:1 hesablı qələbəsi ilə yekunlaşıb.
Oyunun keçirildiyi "Bakcell Arena"da işıqlar sönüb. Projektorlardakı problem səbəbindən qarşılaşma 28-ci dəqiqədə dayandırılıb və 8 dəqiqəlik fasilədən sonra bərpa olunub.
Görüşdə hesab 44-cü dəqiqədə açılıb. Namiq Ələsgərov meydan sahiblərini önə keçirib. Mirabdulla Abbasov 64-cü dəqiqədə fərqi iki topa çatdırıb.
Matçda son nöqtəni isə əsas vaxta əlavə olunmuş 3-cü dəqiqədə qonaqların müdafiəçisi Təmkin Xəlilzadə qoyub. Penaltidən fərqlənən futbolçu yekun nəticəni müəyyənləşdirib.
"Neftçi" qələbə sayəsində 36-cı xalını qazanıb və liderliyini qoruyub. "Sabah" isə 15 xalla sonuncu - 8-ci yerdə qalıb.
