“Partizani”nin forvardı Teofilus Solomona elçi düşən ”Neftçi” problemlə üzləşib.
Sportinfo.az-ın məlumatına görə, Albaniya klubu nigeriyalı hücumçusunu pulsuz buraxmaqdan növbəti dəfə imtina edib.
İki il öncə Çempionlar Liqasının təsnifat mərhələsində ”Qarabağ”ın rəqibi olmuş ”qırmızılar” bakılı həmkarlarından təzminat istəyib. ”Partizani” rəhbərliyi indi 50 min dollar tələb edir və bu rəqəmdən 1 sent aşağı düşməyəcəklərini qarşı tərəfin nəzərinə çatdırıblar.
Baxmayaraq ki, afrikalı forvard ”Netçi” ilə şəxsi müqavilə şərtlərini razılaşdırıb, amma belə getsə, yəqin ki, transfer düyünə düşəcək. Çünki ”ağ-qaralar”ın albanlara bu qədər pul ödəmək fikri yoxdur.