“Uelsə qarşı oynamadım. Amma biz bir ailəyik. Təəssüf ki, həmin oyunda uduzduq".
Bu sözləri Sportinfo.az-a açıqlamasında millimizin üzvü Elvin Camalov deyib.
Uzun fasilədən sonra yenidən yığmaya cəlb edilən "Zirə"nin yarımmüdafiəçisi AÇ-2020-nin seçmə mərhələsinin qrup mərhələsində keçirəcəyimiz son oyun – Slovakiyaya qarşı matç haqqında danışıb:
"Oynasam da, oynamasam da, biz bir ailəyik. Nə zaman şans versələr, bundan maksimum istifadə etməyə çalışacam. Komandada məni xoş qarşıladılar. İstər məşqçi, istərsə də futbolçular. Slovakiya ilə görüşə hazırlaşırıq. Bu matçda oynamağa hazıram".