Xorvatiya Futbol İttifaqının prezidenti Davor Şuker yığmamızla Bakıda keçirilən qarşılaşmanı (1:1) xatırlayıb. Sportinfo.az xəbər verir ki, o, heç-heçəyə təəssüfləndiyini dilə gətirsə də, Macarıstandakı məğlubiyyəti daha acınacaqlı saydığını etiraf edib:
“Avropa çempionatının final mərhələsinə vəsiqə qazanmağımızdan razı qaldıq. Futbol gözlənilməzliklərlə doludur. Lakin özümüzə inandıq və istəyimizə çatdıq.
Biz Bakıda qalib gələ bilmədiyimiz üçün təəssüflənirik. Lakin həmişə evdə üç, səfərdə bir xal qazanmaq prinsipi ilə irəliləmək də fayda verir. Macarıstanla Budapeştdəki görüşdə buna əmək edə bilmədik. Son görüşdə Slovakiyaya qalib gələ bilməsəydik, vəziyyət başqa cür olacaqdı”.