Qazaxıstan Premyer Liqasında 31-ci turun görüşləri keçirilir.
Sportinfo.az xəbər verir ki, millimizin qapıçısı Emil Balayevin şərəfini qoruduğu "Tobol" Qızılorda şəhərində "Kaysar"ın qonağı olub və ardıcıl 4-cü oyunda da qələbə qazana bilməyib.
Ötən tur Almatı səfərində "Kayrat"a məğlub olan (0:2) Balayevin komandası bu dəfə "Kaysar"la dueldə yalnız 1 xalla kifayətlənib ki, bu da son saniyələrdə qazanılıb. "Tobol"un yeganə qolunu penaltidən Nurqaliyev vurub.
"Kaysar"ın heyətində Aşkat Taqıbergen 40-cı dəqiqədə baxımlı qola imza atıb. Bu, həmyerlimizin ardıcıl 3 turda buraxdığı 5-ci qol olub. "Tobol" isə artıq 4 turdur qalib gələ bilmir.