Argentina Superliqasının 16-cı turunun "Ximnasiya" - "Kordoba" qarşılaşmasında maraqlı anlar yaşanıb.
Sportinfo.az xəbər verir ki, Dieqo Maradonanın baş məşqçisi olduğu La Plata klubu ardıcıl 4, ümumilikdə isə 9 oyun uğursuzluqdan sonra ilk qələbəsini qazanıb.
2:1 hesablı qalibiyyət eyni zamanda "Ximnasiya"nın cari mövsümdə evdə ilk qələbəsi olub. Yetirmələrinin ikinci qolu vurmasına inanılmaz sevinc hissilə reaksiya verən Maradona bu an müvazinətini itirərərk yerə yıxılıb. Yardımçılarının dəstəyilə ayağa qalxan canlı əfsanə qarşılaşmadan sonra verdiyi açıqlamada hisslərinə hakim ola bilməyib, ağlamağa başlayıb.