"Barselona" nın hücumçusu Lionel Messi İspaniya La Liqasının 16-cı turunun “Malyorka” ilə oyunu (5:2) başlamazdan əvvəl azarkeşlərlə xoş anlar yaşayıb.
Sportinfo.az xəbər verir ki, argentinalı ulduz 3 gün əvvəl 6-cı dəfə qazandığı “Qızıl top”u klubun azarkeşlərinə təqdim edib.
Mükafatı meydana argentinalının oğlanları çıxarıblar. 32 yaşlı hücumçu mükafatı yuxarı qaldıraraq bir növ azarkeşlərə təşəkkürünü nümayiş etdirib. Fanatlar da onun bu hərəkətinə gur alqışlarla qarşılıq veriblər.