Asiyada 2019-cu ilin ən yaxşı futbolçusunun kimliyinə aydınlıq gətirilib.
Sportinfo.az xəbər verir ki, bu ada Cənubi Koreya yığması və “Tottenhem”in hücumçusu Son Hön-Min layiq görülüb.
Asiya Futbol Konfederasiyasının rəsmi saytının yaydığı xəbərdə 27 yaşlı hücumçunun 3-cü dəfə bütün rəqiblərini qabaqladığı qeyd olunub. O, cari mövsüm London klubunun heyətində keçirdiyi 18 oyunda 9 qol vurub, 6 məhsuldar ötürmə edib.
2015 və 2017-ci illərdə də qitənin ən yaxşı futbolçusu seçilən Hön-Minin budəfəki uğuru artıq Asiya futbolunda rekorddur. İndiyə qədər heç bir futbolçu 3 dəfə qitənin ən yaxşı seçilməyib.