.jpg)
Əmək və Əhalinin Sosial Müdafiəsi naziri Sahil Babayevin jurnalistin qazilərlə bağlı sualını cavablandırmaqdan boyun qaçırması son günlərin əsas söhbət mövzusudur.
Nazirin davranışı müxtəlif media orqanları və sosial şəbəkə səhifələri tərəfindən tənqidlə qarşılanıb.
Bu dəfə şou-biznes sahəsindən prodüsser və aparıcı kimi tanıdığımız Tarix Əliyev dilə gəlib. Tolik “instagram” səhifəsində Sahil Babayevin hərəkətinə münasibət bildirib.
O, nazirin hərəkətinin düzgün olmadığını vurğulayaraq, qazi mövzusu ilə bağlı sualdan yayınmasının insanlarda qıcıq yaratdığını qeyd edib.
Paylaşım kifayət qədər müzakirələrə səbəb olub ki, şərh yazanların arasında ölkə futbolunun tanınmış siması diqqət çəkib.
Azərbaycan millisinin sabiq futbolçusu Mahir Şükürov Tarix Əliyevə dəstək nümayiş etdirib:
“Toliki istəməyən çox insan ola bilər. Amma kim qorxmadan belə şeylər paylaşar? Az adam. Nə yaxşı ki, varsan. Belə də davam”.
Çox keçməsən Tolik həmin paylaşımı silib.
HƏBİB
.jpg)
.jpg)