.jpg)
Azərbaycan klubları qış fasiləsinə yollanıb.
Nə oyunlar var, nə məşqlər. Belədə mətbuat üçün də çətin olur.
Ki, işləməyə mövzu qıtlığı yaranır. Amma futbolumuzda elə personalar var ki, onları hər gün mövzu edib, hər gün danışsaq, yenə yeri var. Bir sözlə, köhnəlməzlər.
Məsələn, Rəşad Sadıqov kimi.
Onun Azərbaycan futboluna xidmətləri danılmazdı.
"14" nömrə yalnız yaxşı müdafiəçi olmaqla yaddaşlarda qalmayıb. Elə olsaydı, o, Rəşad Sadıqov olmazdı ki.
Onu Rəşad Sadıqov edən bir çox komponentlər var. Yaxşı müdafiəçi olması, sadəcə həmin komponentlərdən biridir.
Rəşad Sadıqov nümunəvi kapitan idi. Əbəs yerə ona "Böyük kapitan" demirdilər. Bu gün də yerli futbolçular danışanda onun adını xüsusi hörmətlə çəkirlər.
Sadıqov ən kritik məqamlarda səhnəyə çıxar, komandasını arxasınca aparmasını bilərdi. Kritik çıxarışlarını saysan bitməz.
Sürüşmə fəndini onun kimi ideal yerinə yetirən müdafiəçi az- az rastımıza çıxar. Gərəkdiyində irəli çıxarı, komandasının hücumlarını qurardı. Cərimə zərbələrindən fərqlənməyi də pis bacarmırdı.
Maraqlı olacağını nəzərə alıb, bütün bu sadaladıqlarımızı özündə artıqlaması ilə əks etdirən videonu sizə təqdim edirik.
XANOĞLAN / SPORTİNFO.AZ
.jpg)
.jpg)