"Belə məğlubiyyəti unutmaq çətindir. Çox ağır oldu bizə,.
Amma bu görüşü unudub "Qəbələ" ilə oyuna hazırlaşacağıq".
Bu sözləri Azərbaycan Premyer Liqasının sonuncu turunda "Qarabağ"a böyük hesabla (1-6) uduzan "Keşlə"nin cinah yarımmüdafiəçisi Vüsal İsgəndərli Sportinfo.az-a açıqlamasında deyib.
İstedadlı futbolçu əslində son çempionla oyuna yaxşı hazırlaşdıqlarını, amma gözləmədikləri durumla rastlaşdıqlarını bildirib.
Bu məğlubiyyətdən sonra özünüzə gəlmək çətin olmayacaq ki? sualına isə İsgəndərli belə cavab verib: "Yaxşı kollektiv, yaxşı komanda belə anda bilinir, məncə".