.jpg)
"Avrokubokların seçmə oyunlarında asan rəqib gözləyə bilmərik. "Sumqayıt" adi komanda deyil".
Sportinfo.az xəbər verir ki, bu fikirləri "Şkendiya"nın futbolçusu Lyupko Doriyev "Sumqayıt"la qarşılaşacaqları Avropa Liqasının I təsnifat mərhələsinin oyunu barədə danışarkən deyib.
"Sumqayıt" - "Şkundiya" matçı avqustun 27-də keçiriləcək. Şimali Makedoniya klubunun rəsmi saytına açıqlama verən 25 yaşlı yarımmüdafiəçi "gənclik şəhəri" təmsilçisinin yaxşı keyfiyyətə malik komanda olduğunu bildirib.
Makedoniyalı oyunçu mərhələ keçə biləcəklərinə inandığını söyləyib: "Bu il təsnifat mərhələsi bir oyundan ibarətdir və biz səfərdə oynayacağıq. Yaxşı formada olsaq, bunun öhdəsindən gələ bilərik. Bu, heç də asan olmayacaq, amma mərhələ keçəcəyimizə inanıram".
.jpg)
