Anatole Abanq saytımıza açıqlamasında “Şamaxı”da özünü göstərə bilməməsinin səbəbi kimi komanda yoldaşlarının ona ötürmə verməməsini qeyd edib.
Burada 1 il keçirən kamerunlu hücumçu kollektivçiliyin olmamasını diqqətə çatdırıb.
“Şamaxı”nın qapıçısı Kamal Bayramov Sportinfo.az-a açıqlamasında afrikalı forvardın bu fikri ilə razılaşmayıb:
“Onun əsas problemlərindən biri şəxsi həyatında müəyyən problemlərin baş qaldırması idi. Həmin problemlər onun oyununa birbaşa təsir edirdi.
Verdiyi açıqlamaya gəlincə, o boyda olmağına baxma, cavandır, ağlına gələni danışır”.
Ötən il Adelya adlı azərbaycanlı qadınla ailə quran və fevralda qız atası olan Anatole Abanq 2021-ci ilin yanvarından dekabrına qədər “Şamaxı”da oynayıb.
O, bu müddətdə bütün yarışlarda 28 qarşılaşmada meydana ayaq basmaqla cəmi 5 qol vurub.
HƏBİB