“Şamaxı”nın yeni baş məşqçisi Rüstəm Əliyev Azərbaycan Premyer Liqasının 24-cü turunda "Sabah"a 1:5 hesabı ilə uduzduqları matçdan sonra keçirilən mətbuat konfransında görüş haqqında fikirlərini bölüşüb.
Sportinfo.az xəbər verir ki, mütəxəssis debüt matçındakı məğlubiyyətin səbəbini belə izah edib: “Açığı, belə məğlubiyyət gözləmirdik. Düzdür, bir həftədir komandaya təyin olunmuşam. Futbolçularla söhbətimiz oldu, həftəiçi canla-başla məşq etdilər. Qələbə qazanmaq istəyirdik. Komandadan ən azı heç-heçə gözləyirdik. Etiraf etməliyəm ki, belə məğlubiyyət acıdır. Rəqib də yaxşı komandadır. Hazırkı baş məşqçiləri gəldikdən sonra böyük dəyişliklər olub, avrokuboklara iddia edirlər”.