.jpg)
«Keşlə» adından imtina edib, Bakıdan əyalətə köçən «Şamaxı»da maliyyə problemi hələ də həllini tapmayıb.
AFFA sonuncu dəfə yanvar ayının ödəməsini edib.
Həmin vaxtdan bu yana federasiyaya bir neçə dəfə müraciət olunub, fəqət, qarşı tərəf kluba çatası vəsaiti köçürməyi müxtəlif bəhanələrlə yubadır.
İndi bütün yük Müşahidə Şurasının sədri Zaur Axundovun üzərinə düşüb. İş adamı əsas komandanın fevral ayına olan maaş borcunu şəxsi vəsaiti hesabına bağlayıb.
I Divizionda çıxış edən əvəzedicilər isə həftəsonunadək məvaciblərini alacaq. Əsas problem akademiya ilə əlaqədardır.
Axundovun uşaq futbol məktəbinin xərcini qarşılamağa artıq imkanı çatmır. Əlbəttə, bütün bu problemləri təkbaşına yoluna qoymaq çətinlir.
AFFA rəhbərliyi bunu bilir. Gəl ki, onlardan bir tərpəniş yoxdur, sanki.nəyisə gözləyirlər.
Güman ki, elə Zaur Axunlovun klubu qoyub getməsini. Çünki fedherasiyanın tanınmış iş adamına xeyli borcu yığılıb qalıb, onu da uzun müddətdir qaytarmırlar.
SPORTİNFO.AZ
.jpg)
