.jpg)
Premyer Liqada iştirak edən 8 komandadan 6-sı təxminən 2 həftə Antalyanın havasını udacaq.
Yerdə qalan 2 komanda – “Keşlə” ilə “Səbail” Bakıdan çıxmaqdan məhrum olub. Səbəb pulsuzluqdur.
Ölkə kubokunun son sahibi təlim-məşq toplanışına yanvarın 6-da start verib. Çalışmalara Bakıda start verən “qırmızılar” yanvarın sonuna qədər paytaxtda hazırlıq keçəcək.
Komanda tam tərkibdə məşq edir ki, hazırlıqlar gündə bir dəfə olmaqla “ASK Arena”da davam etdirilir.
Bəzi futbolçularda xəstəlik, bəzilərində mikrozədələr müşahidə olunsa da, bu, qısa müddəti əhatə etdiyindən ciddi narahatlıq yoxdur.
“Keşlə” bu müddətdə iki yoldaşlıq görüşündə qüvvəsini sınayacaq. Biri yanvarın 18-də olacaq, o biri 24-də. Hər nə qədər maraqlı səslənsə də, hər iki halda rəqib “Səbail” olacaq.
İlk oyunun “Dalğa Arena”da, ikincisi Bakı Olimpiya Stadionunun ehtiyat meydanında keçirilməsi nəzərdə tutulub.
Qış toplanışını yanvarın 30-da başa vuracaq keşləlilər, fevralın 1-də Azərbaycan Kubokunun 1/4 final mərhələsi çərçivəsində “Qarabağ”la üz-üzə gələcək.
HƏBİB / SPORTİNFO.AZ
.jpg)
