Anatoli Abanq “Keşlə”nin əsas heyətinə qaytarılıb.
Bu barədə Sportinfo.az-a açıqlamasında komandanın baş məşqçisi Sənan Qurbanov məlumat verib.
Premyer Liqanın üçüncü turunda aldığı qırmızı vərəqəyə görə AFFA İntizam Komitəsi tərəfindən 3 oyunluq cəzalandırılan 25 yaşlı hücumçu Birinci Divizionun startından bu yana orda top qovurdu. Hətta vurduğu 5 qolla hazırda aşağı dəstənin bombardiridir.
Qurbanov Abanqın etdiyi səhvdən nəticə çıxardığını düşünərək onu yenidən əsas komandaya qaytarıb ki, futbolçu artıq 3 gündür məşqlərdə iştirak edir.
Kamerunlu forvard sentyabrın 11-də “Zirə” ilə baş tutan oyunun 28-ci dəqiqəsində rəqib futbolçuya təcavüzkar davranışa görə qırmızı vərəqə ilə meydandan qovulmuşdu.