.jpg)
"Keşlə"nin lideri Sezar Meza Kolli klub rəhbərliyinə gözlənilməz xahişlə müraciət edib.
Sportinfo.az-ın məlumatına görə, paraqvaylı yarmmüdafiəçi qardaşı Derlislə yenidən bir yerdə çıxış etmək istədiyini bildirib.
Üç ay öncə Rumıniyadan Azərbaycana qayıdan cənubi amerikalı legioner Derlisin də "Keşlə"yə gətirilməsinə "okey" alıb.
Sezarın sözünü yerə salmayan paytaxt təmsilçisinin rəsmiləri "Arceş"lə əlaqə saxlayıb.
Derlis Meza Kolli Rumıniyanın əsas liqasına vəsiqə qazanan kluba avqustda keçib. 32 yaşlı yarımmüdafiəçi onlarla 1 illik müqavilə imzalayıb.
O. son olaraq Rumıniyada "Petrolul"un formasını geyinib. 2017/2018 mövsümündə "Neftçi"də çıxış etmiş yarımmüdafiəçi Azərbaycanda "İnter" (hazırkı "Keşlə") və "Qəbələ"nin də şərəfini qoruyub.
Hazırda iki klub arasında danışıqlar davam edir. "Arceş" müəyyən məbləğ qarşılığında Derlisin anlaşmasını pozmağa razıdır.
Bakı təmsilçisi isə bu problemi futbolçunun özünün yoluna qoymasına çalışır. Yəni, o, "Arceş" rəhbərliyi ilə görüşüb, hansısa şərtlər daxilində müqaviləyə xitam verməyə nail olsun.
.jpg)
