"Samtrediya" ilə danışdım və ayrılmağa qərar verdim. Ayrılığa səbəb maliyyə deyil.
Həm mövsümün sonuna kimi burada qalmaq istəyirdim, həm də başqa təkliflərim vardı".
Bu sözləri Sportinfo.az-a açıqlamasında dünən Gürcüstan klubundan ayrılması rəsmiləşən Nicat Qurbanov danışıb.
Yarımmüdafiəçi "Keşlə"yə keçməsi haqda məlumatın yayılmasına belə reaksiya verib: "Keşlə" ilə danışıq olub, amma hələ razılığa gəlməmişik. 2-3 günə dəqiq bilinəcək. Hələ dəqiq nəsə yoxdur. "Keşlə"dən başqa, Gürcüstan klubundan da təklifim var".
O, özü də "Samtrediya"nın bu haqda klub saytında məlumat verməsini anlamadığını bildirib:
"Keşlə" ilə danışıqların getməsini bilirdilər. Amma "Keşlə"yə keçidim haqqında klub saytında məlumat paylaşılmasını özüm də anlamadım. Onlara məlumat verən kimi saytdan bu hissəni sildilər".