Son zamanlar adı bir neçə klubla yanaşı çəkilən “Leyptsiq”in müdafiəçisi Dayot Upamekano karyerasını İtaliyada davam etdirə bilər.
Sportinfo.az xəbər verir ki, “Milan” 21 yaşlı futbolçunu heyətinə qatmaq niyyətindədir.
“Qırmızı-qaralar” futbolçunun müqaviləsində nəzərdə tutulan 60 milyon avroluq təzminat məbləğini də ödəməyə hazırdır. Futbolçunu yayda heyətinə qatmaq niyyətində olan “Milan”, Almaniya klubu ilə rəsmi danışıqlara başlamaq niyyətindədir.
“Leyptsiq”lə müqaviləsi 2021-ci ilədək nəzərdə tutulan fransalı futbolçu cari mövsümdə 27 oyunda iştirak edib. Onun adı “Mançester Siti”, “Arsenal” və “Barselona” kimi klublarla da yanaşı çəkilir.