"Cenoa" unikal nailiyyətə imza atıb. Sportinfo.az xəbər verir ki, İtaliya A seriyasında ilk dəfə oyuna sonradan daxil olan hər üç futbolçu qol vurub.
Maraqlı fakt 9-cu turun "Cenoa" - "Breşiya" oyununda qeydə alınıb. İkinci hissədə məğlub durumda (0:1) olan "Cenoa"nın baş məşqçisi Tyaqo Motta meydana Kevin Aqudelo, Kristian Kaume və Qoran Pandevi buraxıb.
Mottanın gedişi özünü doğruldub - meydana sonradan daxil olan hər üç futbolçu qol vuraraq Genuya klubuna üç xal qazandırıb. Bu, A Seriyasında ilk belə fakt kimi tarixə düşüb.