"Barselona" daha bir ciddi itki ilə üzləşib.
Sportinfo.az xəbər verir ki, Kataloniya təmsilçisinin yarımmüdafiəçisi Miralem Pyaniç Bosniya və Herseqovina yığmasının düşərgəsində zədələnib.
O, Millətlər Liqasında Polşa ilə səfər oyununda (0:3) sıradan çıxıb. Futbolçu belindən ağır zədə alıb. Oyunu davam etdirə bilməyən yarımmüdafiəçi 33-cü dəqiqədə əvəzlənib.
Pyaniçin zədəsinin nə dərəcədə ciddi olduğu yaxın günlərdə dəqiq bilinəcək. "Barselona"da Jordi Alba və Junior Firpo da zədəlidi.