.jpg)
«Kəpəz» Abdulla Şuaybunu transferə çıxarıb.
Nigeriyalı hücumçu artıq Azərbaycanı tərk edib.
Ötən ilin yayında «Şerif»dən gələn afrikalı legioner bir daha geri qayıtmayacaq.
Cari mövsüm Premyer Liqada 1 qola imza atmış forvardın karyerasını Avropada davam etdirməsi gözlənilir.
Onun Gəncə təmsilçisi ilə müqaviləsi 2024-cü ilin iyununda başa çatacaqdı. Şuaybunun «Kəpəz»dən ayrılması qəfil hadisə kimi görünə bilər.
Amma bu, qətiyyən belə deyil. Səbəb 21 yaşlı hücumçunun ətrafında dolaşan söz-söhbətlərdir.
Belə ki, əcnəbinin qanında Hepatit B virusu aşkarlanıb. Bu barədə onun sabiq meneceri Dmitri Selyuk məlumat verib.
O bildirib ki, nigeriyalı sağlamlıq testindən keçərkən analizləri dəyişdirilib və “sağlam” olaraq qeyd edilib. Bununla bağlı hətta Baş Prokurorluq AFFA-ya müraciət ünvanlayıb.
SPORTİNFO.AZ
