İspaniya millisinin və "Real"ın sabiq qapıçısı İker Kasilyas "kral klubu"na qayıdır.
Sportinfo.az xəbər verir ki, 39 yaşlı kiper paytaxt təmsilçisinin rəhbərliyində yer alacaq.
Portuqaliya "Portu"su ilə müqaviləsi başa çatan təcrübəli qolkiper Madrid klubunun prezidenti Florentino Peresin müşaviri vəzifəsində çalışacaq.
Onun yaxın vaxtlarda peşəkar karyerasını başa vuracağı gözlənilir.
1998 - 2015-ci illərdə "Real Madrid"in formasını geyinmiş İker Kasilyas daha əvvəl İspaniya Futbol Federasiyasının prezidentliyinə namizədliyini irəli sürsə də, sonradan fikrini dəyişib.