“Real”ın və Fransa yığmasının hücumçusu Kərim Benzema “Qızıl top”un mükafatlandırma mərasimi ərəfəsində jurnalistlərin suallarını cavablandırıb.
Sportinfo.az xəbər verir ki, Benzema bu mükafatı alacağına ümid etdiyini bildirib:
“Baxaq görək, necə olacaq. “Qızıl topu” alacağıma inanıram. Sevinirəm ki, mükafat uğrunda mübarizədə varam.
Nə yaxşı ki, meydana çıxır və qol vururam. Futbol məni xoşbəxt edir.
Ümid edirəm ki, belə də davam edəcək. Heyətimizə nəzər saldıqda, dünya çempionatında uğur qazanmaq bizim əsas hədəfimiz olmalıdır.
Amma hər şeydən əvvəl mundiala yaxşı hazırlaşmalıyıq”.