"Real" yeni transferi David Alabanı təqdim edib.
Sportinfo.az xəbər verir ki, 29 yaşlı müdafiəçi tibbi müayinədən uğurla keçib.
Avstriya millisinin üzvü yeni komandasında 4 nömrəli formanı geyinəcək. "Kral klubu"nda daha əvvəl Fransa PSJ-sinə keçən Serxio Ramos eyni nömrəli formada çıxış edib.
David Alaba "Real Madrid"lə 5 illik müqavilə imzalayıb. O, ötən mövsüm Almaniya "Bavariya"sının heyətində 32 oyunda iştirak edib, 2 qol və 3 məhsuldar ötürmə ilə yadda qalıb.