“Barselona”nın keçmiş futbolçusu Xavi açıqlama verib.
Sportinfo.az xəbər verir ki, hazırda Qətərin “Əl Sədd” komandasını çalışdıran Xavi, Lionel Messinin “Barselona”da qalacağını deyib:
“Düşünürəm ki, Messi “Barselona”da qalacaq. Yenə də, son sözü o deyəcək. İstədiyi qərarı vermək onun haqqıdır.
O, “Barselona” tarixinin ən yaxşı futbolçusudur. İnanıram ki, qərarını dəyişməyəcək və “Barselona”da qalacaq”.
Messinin “Barselona” ilə müqaviləsi iyunun sonuna qədərdir.
Xavi futbolçu karyerası ərzində 1995-2015-ci illər aralığında “Barselona”da çıxış edib.