"Aston Villa” heyətini yeni futbolçu ilə gücləndirib.
Sportinfo.az xəbər verir ki, Premyer Liqa təmsilçisi “Brentford”un hücumçusu Olli Uotkinsi transfer edib.
24 yaşlı ingilis hücumçu ilə 5 illik müqavilə imzalanıb. Britaniya mətbuatı bu transferin Birmingem klubuna 33 milyon funt-sterlinqə başa gəldiyini iddia edir.
Uotkins 2017-ci ildən “Brentford”un uğurları üçün çalışırdı. O, geridə qalan mövsümdə bu komandanın oyunda 49 oyuna 26 qola imza atıb.