"Napoli"nin müdafiəçisi Kalidu Kulibali karyerasını Premyer Liqada davam etdirə bilər.
Sportinfo.az xəbər verir ki, "Mançester Yunayted" seneqallı futbolçunun xidmətində maraqlıdır.
Məlumata görə, “qırmızı şeytanlar” Kulibalini heyətinə cəlb etməkdə israrlıdır. Lakin “Liverpul”un da oyunçu ilə maraqlandığı bildirilir. “Napoli” müdafiəçi üçün 80 milyon avro tələb edir.
Mançester klubunun bu məbləği ödəməyə hazır olduğu vurğulanıb. Kulibali cari mövsüm A Seriyasında 20 oyun keçirib.