AFFA-nın baş katibi Sərxan Hacıyev Gəncə şəhərinə səfər edib.
Sportinfo.az xəbər verir ki, səfərdə baş katib Gəncə şəhər stadionunun ərazisində AFFA tərəfindən tikintisi davam etdirilən Futbol Akademiyasında inşaat işlərinin gedişi ilə maraqlanıb.
"Kəpəz"in İdarə Heyətinin sədri İlqar Nadiri həyata keçirilən işlər barədə ətraflı məlumat verib.
Bildirib ki, qarşıdakı iki ayda futbol akademiyasının inşasının başa çatdırılması planlaşdırılıb. İşlər bu tempdə davam edərsə, martın sonlarında idman qurğusu açılışa hazır olacaq.